ﺭَﺩﯾﻒ ، ﻗﺎﻓﯿﮧ ، ﺑﻨﺪِﺵ ، ﺧﯿﺎﻝ ، ﻟﻔﻆ ﮔﺮﯼ

ﺭَﺩﯾﻒ ، ﻗﺎﻓﯿﮧ ، ﺑﻨﺪِﺵ ، ﺧﯿﺎﻝ ، ﻟﻔﻆ ﮔﺮﯼ
ﻭُﮦ ﺣُﻮﺭ ، ﺯﯾﻨﮧ ﺍُﺗﺮﺗﮯ ﮨُﻮﺋﮯ ﺳﮑﮭﺎﻧﮯ ﻟﮕﯽ
ﮐﺘﺎﺏ ، ﺑﺎﺏ ، ﻏﺰﻝ ، ﺷﻌﺮ ، ﺑﯿﺖ ، ﻟﻔﻆ ، ﺣُﺮﻭﻑ
ﺧﻔﯿﻒ ﺭَﻗﺺ ﺳﮯ ﺩِﻝ ﭘﺮ ﺍُﺑﮭﺎﺭﮮ ﻣﺴﺖ ﭘﺮﯼ
ﮐﻼﻡ ، ﻋَﺮُﻭﺽ ، ﺗﻐﺰﻝ ، ﺧﯿﺎﻝ ، ﺫﻭﻕ ، ﺟﻤﺎﻝ
ﺑﺪﻥ ﮐﮯ ﺟﺎﻡ ﻧﮯ ﺍَﻟﻔﺎﻅ ﮐﯽ ﺻﺮﺍﺣﯽ ﺑﮭﺮﯼ
ﺳﻠﯿﺲ ، ﺷﺴﺘﮧ ، ﻣُﺮﺻﻊ ، ﻧﻔﯿﺲ ، ﻧﺮﻡ ، ﺭَﻭﺍﮞ
ﺩَﺑﺎ ﮐﮯ ﺩﺍﻧﺘﻮﮞ ﻣﯿﮟ ﺁﻧﭽﻞ ، ﻏﺰﻝ ﺍُﭨﮭﺎﺋﯽ ﮔﺌﯽ
ﻗﺼﯿﺪﮦ ، ﺷﻌﺮ ، ﻣﺴﺪﺱ ، ﺭُﺑﺎﻋﯽ ، ﻧﻈﻢ ، ﻏﺰﻝ
ﻣﮩﮑﺘﮯ ﮨﻮﻧﭩﻮﮞ ﮐﯽ ﺗﻔﺴﯿﺮ ﮨﮯ ﺑﮭﻠﯽ ﺳﮯ ﺑﮭﻠﯽ
ﻣﺠﺎﺯ ، ﻗﯿﺪ ، ﻣﻌﻤﮧ ، ﺷﺒﯿﮧ ، ﺍِﺳﺘﻘﺒﺎﻝ
ﮐﺴﯽ ﺳﮯ ﺁﻧﮑﮫ ﻣﻼﻧﮯ ﻣﯿﮟ ﺍَﺩﺑﯿﺎﺕ ﭘﮍﮬﯽ
ﻗﺮﯾﻨﮧ ، ﺳَﺮﻗﮧ ، ﺍِﺷﺎﺭﮦ ، ﮐِﻨﺎﯾﮧ ، ﺭَﻣﺰ ، ﺳﻮﺍﻝ
ﺣﯿﺎ ﺳﮯ ﺟﮭﮑﺘﯽ ﻧﮕﺎﮨﻮﮞ ﻣﯿﮟ ﺟﮭﺎﻧﮑﺘﮯ ﺗﮭﮯ ﺳﺒﮭﯽ
ﺑﯿﺎﻥ ، ﻋﻠﻢِ ﻣﻌﺎﻧﯽ ، ﻓﺼﺎﺣﺖ ، ﻋﻠﻢِ ﺑﻼﻍ
ﺑﯿﺎﻥ ﮐﺮ ﻧﮩﯿﮟ ﺳﮑﺘﮯ ﮐﺴﯽ ﮐﯽ ﺍﯾﮏ ﮨﻨﺴﯽ
ﻗﯿﺎﺱ ، ﻗﯿﺪ ، ﺗﻨﺎﺳﺐ ، ﺷﺒﯿﮧ ، ﺳَﺠﻊ ، ﻧﻈﯿﺮ
ﮐﻠﯽ ﮐﻮ ﭼﻮﻣﺎ ﺗﻮ ﺟﯿﺴﮯ ﮐﻠﯽ ، ﮐﻠﯽ ﺳﮯ ﻣﻠﯽ
ﺗﺮﻧﻢ ، ﻋﺮﺽ ، ﻣﮑﺮﺭ ، ﺳﻨﺎﺋﯿﮯ ، ﺍِﺭﺷﺎﺩ
ﮐﺴﯽ ﻧﮯ ’’ ﺳﻨﯿﮯ ‘‘ ﮐﮩﺎ ، ﺑﺰﻡ ﺟﮭﻮﻡ ﺟﮭﻮﻡ ﮔﺌﯽ
ﺣُﻀُﻮﺭ ، ﻗﺒﻠﮧ ، ﺟﻨﺎﺏ ، ﺁﭖ ، ﺩﯾﮑﮭﯿﮯ ، ﺻﺎﺣﺐ
ﮐﺴﯽ ﮐﯽ ﺷﺎﻥ ﻣﯿﮟ ﮔﻮﯾﺎ ﻟﻐﺖ ﺑﻨﺎﺋﯽ ﮔﺌﯽ
ﺣﺮﯾﺮ ، ﺍَﻃﻠﺲ ﻭ ﮐﻤﺨﻮﺍﺏ ، ﭘﻨﮑﮭﮍﯼ ، ﺭﯾﺸﻢ
ﮐﺴﯽ ﮐﮯ ﭘﮭﻮﻝ ﺳﮯ ﺗﻠﻮﻭﮞ ﺳﮯ ﺷﺎﮦ ﻣﺎﺕ ﺳﺒﮭﯽ
ﮔﻼﺏ ، ﻋﻨﺒﺮ ﻭ ﺭﯾﺤﺎﻥ ، ﻣﻮﺗﯿﺎ ، ﻟﻮﺑﺎﻥ
ﮐﺴﯽ ﮐﯽ ﺯُﻟﻒِ ﻣﻌﻄﺮ ﻣﯿﮟ ﺳﺐ ﮐﯽ ﺧﻮﺷﺒﻮ ﻣﻠﯽ
٭٭٭
ﮐﺴﯽ ﮐﮯ ﻣﺮﻣﺮﯾﮟ ﺁﺋﯿﻨﮯ ﻣﯿﮟ ﻧﻤﺎﯾﺎﮞ ﮨﯿﮟ
ﮔﮭﭩﺎ ، ﺑﮩﺎﺭ ، ﺩَﮬﻨﮏ ، ﭼﺎﻧﺪ ، ﭘﮭﻮﻝ ، ﺩﯾﭗ ، ﮐﻠﯽ
ﮐﺴﯽ ﮐﺎ ﻏﻤﺰﮦ ﺷﺮﺍﺑﻮﮞ ﺳﮯ ﭼُﻮﺭ ﻗﻮﺱِ ﻗُﺰﺡ
ﺍَﺩﺍ ، ﻏُﺮُﻭﺭ ، ﺟﻮﺍﻧﯽ ، ﺳُﺮُﻭﺭ ، ﻋِﺸﻮَﮦ ﮔﺮﯼ
ﮐﺴﯽ ﮐﮯ ﺷﯿﺮﯾﮟ ﻟﺒﻮﮞ ﺳﮯ ﺍُﺩﮬﺎﺭ ﻟﯿﺘﮯ ﮨﯿﮟ
ﻣﭩﮭﺎﺱ ، ﺷَﮩﺪ ، ﺭُﻃَﺐ ، ﭼﯿﻨﯽ ، ﻗﻨﺪ ، ﻣﺼﺮﯼ ﮈَﻟﯽ
ﮐﺴﯽ ﮐﮯ ﻧﻮﺭ ﮐﻮ ﭼﻨﺪﮬﯿﺎ ﮐﮯ ﺩﯾﮑﮭﯿﮟ ﺣﯿﺮﺕ ﺳﮯ
ﭼﺮﺍﻍ ، ﺟﮕﻨﻮ ، ﺷﺮﺭ ، ﺁﻓﺘﺎﺏ ، ’’ ﭘﮭﻮﻝ ﺟﮭﮍﯼ ‘‘
ﮐﺴﯽ ﮐﻮ ﭼﻠﺘﺎ ﮨُﻮﺍ ﺩﯾﮑﮫ ﻟﯿﮟ ﺗﻮ ﭼﻠﺘﮯ ﺑﻨﯿﮟ
ﻏﺰﺍﻝ ، ﻣﻮﺭﻧﯽ ، ﻣﻮﺟﯿﮟ ، ﻧُﺠُﻮﻡ ، ﺍَﺑﺮ ، ﮔﮭﮍﯼ
ﮐﺴﯽ ﮐﯽ ﻣﺪﮪ ﺑﮭﺮﯼ ﺁﻧﮑﮭﻮﮞ ﮐﮯ ﺁﮔﮯ ﮐﭽﮫ ﺑﮭﯽ ﻧﮩﯿﮟ
ﺗﮭﮑﻦ ، ﺷﺮﺍﺏ ، ﺩَﻭﺍ ، ﻏﻢ ، ﺧُﻤﺎﺭِ ﻧﯿﻢ ﺷﺒﯽ
ﮐﺴﯽ ﮐﮯ ﺳﺎﺗﮫ ﻧﮩﺎﺗﮯ ﮨﯿﮟ ﺗﯿﺰ ﺑﺎﺭِﺵ ﻣﯿﮟ
ﻟﺒﺎﺱ ، ﮔﺠﺮﮮ ، ﺍُﻓﻖ ، ﺁﻧﮑﮫ ، ﺯُﻟﻒ ، ﮨﻮﻧﭧ ، ﮨﻨﺴﯽ
ﮐﺴﯽ ﮐﺎ ﺑﮭﯿﮕﺎ ﺑﺪﻥ ، ﮔُﻞ ﮐﮭﻼﺗﺎ ﮨﮯ ﺍَﮐﺜﺮ
ﮔﻼﺏ ، ﺭﺍﻧﯽ ، ﮐﻨﻮﻝ ، ﯾﺎﺳﻤﯿﻦ ، ﭼﻤﭙﺎ ﮐﻠﯽ
ﺑﺸﺮﻁِ ’’ ﻓﺎﻝ ‘‘ ﮐﺴﯽ ﺧﺎﻝ ﭘﺮ ﻣﯿﮟ ﻭﺍﺭﻭﮞ ﮔﺎ
ﭼﻤﻦ ، ﭘﮩﺎﮌ ، ﺩَﻣﻦ ، ﺩَﺷﺖ ، ﺟﮭﯿﻞ ، ﺧﺸﮑﯽ ، ﺗﺮﯼ
ﯾﮧ ﺟﺎﻡ ﭼﮭﻠﮑﺎ ﮐﮧ ﺁﻧﭽﻞ ﺑﮩﺎﺭ ﮐﺎ ﮈَﮬﻠﮑﺎ
ﺷﺮﯾﺮ ، ﺷﻮﺷﮧ ، ﺷﺮﺍﺭﮦ ، ﺷﺒﺎﺏ ، ﺷﺮ ، ﺷﻮﺧﯽ
ﮐﺴﯽ ﮐﯽ ﺗُﺮﺵ ﺭُﻭﺋﯽ ﮐﺎ ﺳﺒﺐ ﯾﮩﯽ ﺗﻮ ﻧﮩﯿﮟ؟
ﺍَﭼﺎﺭ ، ﻟﯿﻤﻮﮞ ، ﺍَﻧﺎﺭ ، ﺁﻡ ، ﭨﺎﭨﺮﯼ ، ﺍِﻣﻠﯽ
ﮐﺴﯽ ﮐﮯ ﺣُﺴﻦ ﮐﻮ ﺑﻦ ﻣﺎﻧﮕﮯ ﺑﺎﺝ ﺩﯾﺘﮯ ﮨﯿﮟ
ﻭَﺯﯾﺮ ، ﻣﯿﺮ ، ﺳﭙﺎﮨﯽ ، ﻓﻘﯿﮩﮧ ، ﺫﻭﻕِ ﺷﮩﯽ
ﻧﮕﺎﮨﯿﮟ ﭼﺎﺭ ﮨُﻮﺋﯿﮟ ، ﻭَﻗﺖ ﮨﻮﺵ ﮐﮭﻮ ﺑﯿﭩﮭﺎ
ﺻﺪﯼ ، ﺩَﮨﺎﺋﯽ ، ﺑﺮﺱ ، ﻣﺎﮦ ، ﺭﻭﺯ ، ﺁﺝ ، ﺍَﺑﮭﯽ
ﻭُﮦ ﻏﻨﭽﮧ ﯾﮑﺠﺎ ﮨﮯ ﭼﻮﻧﮑﮧ ﻭَﺭﺍﺋﮯ ﻓﮑﺮ ﻭ ﺧﯿﺎﻝ !
ﭘﻠﮏ ﻧﮧ ﺟﮭﭙﮑﯿﮟ ﺗﻮ ﺩِﮐﮭﻼﺅﮞ ﭘﺘّﯽ ﭘﺘّﯽ ﺍَﺑﮭﯽ؟
٭٭٭
ﺳﯿﺎﮦ ﺯُﻟﻒ : ﮔﮭﭩﺎ ، ﺟﺎﻝ ، ﺟﺎﺩُﻭ ، ﺟﻨﮓ ، ﺟﻼﻝ
ﻓُﺴُﻮﮞ ، ﺷﺒﺎﺏ ، ﺷﮑﺎﺭَﻥ ، ﺷﺮﺍﺏ ، ﺭﺍﺕ ﮔﮭﻨﯽ
ﺟﺒﯿﮟ : ﭼﺮﺍﻍ ، ﻣﻘﺪﺭ ، ﮐﺸﺎﺩﮦ ، ﺩُﮬﻮﭖ ، ﺳَﺤَﺮ
ﻏُﺮُﻭﺭ ، ﻗﮩﺮ ، ﺗﻌﺠﺐ ، ﮐﻤﺎﻝ ، ﻧُﻮﺭ ﺑﮭﺮﯼ
ﻇﺮﯾﻒ ﺍَﺑﺮُﻭ : ﻏﻀﺐ ، ﻏﻤﺰﮦ ، ﻏﺼﮧ ، ﻏﻮﺭ ، ﻏﺰﻝ
ﮔﮭﻤﻨﮉ ، ﻗﻮﺱ ، ﻗﻀﺎ ، ﻋﺸﻖ ، ﻃﻨﺰ ، ﻧﯿﻢ ﺳﺨﯽ
ﭘَﻠﮏ : ﻓﺴﺎﻧﮧ ، ﺷﺮﺍﺭﺕ ، ﺣﺠﺎﺏ ، ﺗﯿﺮ ، ﺩُﻋﺎ
ﺗﻤﻨﺎ ، ﻧﯿﻨﺪ ، ﺍِﺷﺎﺭﮦ ، ﺧﻤﺎﺭ ، ﺳﺨﺖ ﺗﮭﮑﯽ
ﻧﻈﺮ : ﻏﺰﺍﻝ ، ﻣﺤﺒﺖ ، ﻧﻘﺎﺏ ، ﺟﮭﯿﻞ ، ﺍَﺟﻞ
ﺳُﺮُﻭﺭ ، ﻋﺸﻖ ، ﺗﻘﺪﺱ ، ﻓﺮﯾﺐِ ﺍَﻣﺮ ﻭ ﻧﮩﯽ
ﻧﻔﯿﺲ ﻧﺎﮎ : ﻧﺰﺍﮐﺖ ، ﺻﺮﺍﻁ ، ﻋﺪﻝ ، ﺑﮩﺎﺭ
ﺟﻤﯿﻞ ، ﺳُﺘﻮﺍﮞ ، ﻣﻌﻄﺮ ، ﻟﻄﯿﻒ ، ﺧﻮﺷﺒﻮ ﺭَﭼﯽ
ﮔﻼﺑﯽ ﮔﺎﻝ : ﺷَﻔَﻖ ، ﺳﯿﺐ ، ﺳﺮﺧﯽ ، ﻏﺎﺯﮦ ، ﮐﻨﻮﻝ
ﻃﻠﺴﻢ ، ﭼﺎﮦ ، ﺑﮭﻨﻮﺭ ، ﻧﺎﺯ ، ﺷﺮﻡ ، ﻧﺮﻡ ﮔِﺮﯼ
ﺩﻭ ﻟﺐ : ﻋﻘﯿﻖ ، ﮔُﮩﺮ ، ﭘﻨﮑﮭﮍﯼ ، ﺷﺮﺍﺏِ ﮐُﮩﻦ
ﻟﺬﯾﺬ ، ﻧﺮﻡ ، ﻣﻼﺋﻢ ، ﺷﺮﯾﺮ ، ﺑﮭﯿﮕﯽ ﮐﻠﯽ
ﻧﺸﯿﻠﯽ ﭨﮭﻮﮌﯼ : ﺗﺒﺴﻢ ، ﺗﺮﺍﺯُﻭ ، ﭼﺎﮦِ ﺫَﻗﻦ
ﺧﻤﯿﺪﮦ ، ﺧﻨﺪﺍﮞ ، ﺧﺠﺴﺘﮧ ، ﺧﻤﺎﺭ ، ﭘﺘﻠﯽ ﮔﻠﯽ
ﮔﻼ : ﺻﺮﺍﺣﯽ ، ﻧﻮﺍ ، ﮔﯿﺖ ، ﺳﻮﺯ ، ﺁﮦ ، ﺍَﺛﺮ
ﺗﺮﻧﮓ ، ﭼﯿﺦ ، ﺗﺮﻧﻢ ، ﺗﺮﺍﻧﮧ ، ﺳُﺮ ﮐﯽ ﻟﮍﯼ
ﮨﺘﮭﯿﻠﯽ : ﺭﯾﺸﻤﯽ ، ﻧﺎﺯُﮎ ، ﻣَﻼﺋﯽ ، ﻧﺮﻡ ، ﻟﻄﯿﻒ
ﺣﺴﯿﻦ ، ﻣﺮﻣﺮﯾﮟ ، ﺻﻨﺪﻝ ، ﺳﻔﯿﺪ ، ﺩُﻭﺩﮪ ﺩُﮬﻠﯽ
ﮐﻤﺮ : ﺧﯿﺎﻝ ، ﻣﭩﮑﺘﯽ ﮐﻠﯽ ، ﻟﭽﮑﺘﺎ ﺷﺒﺎﺏ
ﮐﻤﺎﻥ ، ﭨﻮﭨﺘﯽ ﺍَﻧﮕﮍﺍﺋﯽ ، ﺣﺸﺮ ، ﺟﺎﻥ ﮐﻨﯽ
ﭘﺮﯼ ﮐﮯ ﭘﺎﺅﮞ : ﮔﻼﺑﯽ ، ﮔﺪﺍﺯ ، ﺭَﻗﺺ ﭘﺮﺳﺖ
ﺗﮍﭘﺘﯽ ﻣﭽﮭﻠﯿﺎﮞ ، ﻣﺤﺮﺍﺏِ ﻟﺐ ، ﺗﮭﺮﮐﺘﯽ ﮐﻠﯽ
٭٭٭
ﺟﻨﺎﺏ ! ﺩﯾﮑﮭﺎ ﺳﺮﺍﭘﺎ ﮔﻼﺏِ ﻣﺮﻣﺮ ﮐﺎ !
ﺍَﺑﮭﯽ ﯾﮧ ﺷﻌﺮ ﺗﮭﮯ ، ﺷﻌﺮﻭﮞ ﻣﯿﮟ ﭼﺎﻧﺪ ﺍُﺗﺮﺍ ﮐﺒﮭﯽ؟
ﻣﮕﺮ ﺣُﻀُﻮﺭ ﻏﺰﻝ ﺍَﭘﻨﮯ ﺗﮏ ﮨﯽ ﺭَﮐﮭﯿﮯ ﮔﺎ
ﻭُﮦ ﺭُﻭﭨﮫ ﺟﺎﺋﮯ ﮔﺎ ﻣﺠﮫ ﺳﮯ ﺟﻮ ﺍُﺱ ﮐﯽ ﺩُﮬﻮﻡ ﻣﭽﯽ
ﺟﮭﮑﺎ ﮐﮯ ﻧﻈﺮﯾﮟ ﮐﻮﺋﯽ ﺑﻮﻻ ﺍِﻟﺘﻤﺎﺱِ ﺩُﻋﺎ
ﺍُﭨﮭﺎ ﮐﮯ ﮨﺎﺗﮫ ﻭُﮦ ﺧﯿﺮﺍﺕِ ﺣُﺴﻦ ﺩﯾﻨﮯ ﻟﮕﯽ
ﮐﺸﺶ ﺳﮯ ﺣُﺴﻦ ﮐﯽ ﭼﻨﺪﺍ ﻣﯿﮟ ﺍُﭨﮭﮯ ﻣﺪ ﻭ ﺟﺰﺭ
ﮐﺴﯽ ﮐﻮ ﺳﺎﻧﺲ ﭼﮍﮬﺎ ﺳﺐ ﮐﯽ ﺳﺎﻧﺲ ﭘﮭﻮﻝ ﮔﺌﯽ
ﺟﻮ ﺍُﺱ ﭘﮧ ﺑﻮﻧﺪ ﮔﺮﯼ ، ﺍَﺑﺮ ﮐﭙﮑﭙﺎ ﺍُﭨﮭﺎ
ﺍُﺱ ﺍﯾﮏ ﻟﻤﺤﮯ ﻣﯿﮟ ﮐﺎﻓﯽ ﮔﮭﺮﻭﮞ ﭘﮧ ﺑﺠﻠﯽ ﮔﺮﯼ
ﻗﯿﺎﻣﺖ ﺁ ﮔﺌﯽ ﺧﻮﺷﺒﻮ ﮐﯽ ، ﮐﻠﯿﺎﮞ ﭼﯿﺦ ﭘﮍﯾﮟ
ﮔﻼﺏ ﺑﻮﻻ ﻧﮩﯿﮟ ، ﻏﺎﻟﺒﺎ ﻭُﮦ ﺯُﻟﻒ ﮐﮭﻠﯽ
ﻃﻮﺍﻑ ﮐﺮﺗﯽ ﮨﮯ ﻣﻌﺼﻮﻣﯿﺖ ﯾﻮﮞ ﮐﻢ ﺳِﻦ ﮐﺎ
ﮐﮧ ﻗﺘﻞ ﮐﺮ ﺩﮮ ﻋﺪﺍﻟﺖ ﻣﯿﮟ ﺑﮭﯽ ، ﺗﻮ ﺻﺎﻑ ﺑﺮﯼ !
ﺑﺪﻥ ﭘﮧ ﺣﺎﺷﯿﮧ ﻟﮑﮭﻨﺎ ، ﻧﮕﺎﮦ ﭘﺮ ﺗﻔﺴﯿﺮ
ﻣﻘﻠﺪﯾﻦ ﮨﯿﮟ ﺷﻮﺧﯽ ﮐﮯ ﺍَﭘﻨﯽ ﺷﯿﺦ ﮐﺌﯽ
ﺗﻤﺎﻡ ﺷﮩﺮ ﻣﯿﮟ ﺳﯿﻨﮧ ﺑﮧ ﺳﯿﻨﮧ ﭘﮭﯿﻞ ﮔﺌﯽ
ﮐﺴﯽ ﮐﮯ ﺑﮭﯿﮕﮯ ﻟﺒﻮﮞ ﺳﮯ ﻭَﺑﺎﺋﮯ ﺗﺸﻨﮧ ﻟﺒﯽ
ﮔﻼﺏ ﺍﻭﺭ ﺍﯾﺴﺎ ﮐﮧ ﺗﻨﮩﺎ ﺑﮩﺎﺭ ﻟﮯ ﺁﺋﮯ
ﺑﮩﺸﺖ ﻣﯿﮟ ﺑﮭﯽ ﮨﮯ ﮔﻨﺠﺎﻥ ﺷﻮﺥ ﮔُﻞ ﮐﯽ ﮔﻠﯽ
ﮐﻤﺎﻝِ ﻟﯿﻠﯽٰ ﺗﻮ ﺩﯾﮑﮭﻮ ﮐﮧ ’’ ﺻﺮﻑ ‘‘ ﻧﺎﻡ ﻟﯿﺎ
’’ ﭘﮭﺮ ﺍُﺱ ﮐﮯ ﺑﻌﺪ ﭼﺮﺍﻏﻮﮞ ﻣﯿﮟ ﺭﻭﺷﻨﯽ ﻧﮧ ﺭﮨﯽ ‘‘
ﮔﻼﺑﯽ ﺁﻧﮑﮭﻮﮞ ﻣﯿﮟ ﺍﯾﺴﮯ ﺑﮭﻨﻮﺭ ﺗﮭﮯ ﻣﺴﺘﯽ ﮐﮯ
ﺷﺮﺍﺏ ﮈُﻭﺏ ﮐﮯ ﺍُﻥ ﻣﯿﮟ ﺑﮩﺖ ﺣﻼﻝ ﻟﮕﯽ
ﺟﺴﺎﺭَﺕ ﻋﮑﺲ ﭘﮧ ﻟﺐ ﺭَﮐﮭﻨﮯ ﮐﯽ ﻧﮩﯿﮟ ﮐﺮﺗﮯ
ﺑﮩﺖ ﮨُﻮﺍ ﺑﮭﯽ ﺗﻮ ﭘﻠﮑﻮﮞ ﺳﮯ ﮔﺪﮔﺪﯼ ﮐﺮ ﺩﯼ
ﻧﺠﺎﻧﮯ ﭘﮩﻠﯽ ﻧﻈﺮ ﮐﯿﻮﮞ ﺣﻼﻝ ﮨﻮﺗﯽ ﮨﮯ
ﮐﺴﯽ ﮐﮯ ﺣُﺴﻦ ﭘﮧ ﭘﮩﻠﯽ ﻧﻈﺮ ﮨﯽ ﻣﮩﻨﮕﯽ ﭘﮍﯼ
ﭼﻤﻦ ﻣﯿﮟ ’’ ﭘﮭﻮﻝ ﻧﮧ ﺗﻮﮌﯾﮟ ‘‘ ﻟﮑﮭﺎ ﺗﮭﺎ ﺳﻮ ﮨﻢ ﻧﮯ
ﮔﻼﺏ ﺯﺍﺩﯼ ﮐﻮ ﭘﮩﻨﺎ ﺩﯼ ﺗﺘﻠﯿﻮﮞ ﮐﯽ ﻟﮍﯼ
ﮐﺴﯽ ﮐﺎ ﺯُﻟﻒ ﮐﻮ ﻟﮩﺮﺍ ﮐﮯ ﭼﻠﻨﺎ ، ﺍُﻑ ﺗﻮﺑﮧ !
ﺷﺮﺍﺏِ ﻧﺎﺏِ ﺍَﺯﻝ ﮐﮯ ﻧﺸﮯ ﻣﯿﮟ ﻣﺴﺖ ﭘﺮﯼ
ﻭُﮦ ﺑﻮﻟﺘﺎ ﮨﮯ ﺗﻮ ﮐﺎﻧﻮﮞ ﻣﯿﮟ ﺷَﮩﺪ ﮔﮭﻮﻟﺘﺎ ﮨﮯ
ﻣﺮﯾﺾِ ﻗﻨﺪ ﭘﮧ ﻗﺪﻏﻦ ﮨﮯ ﺍُﺱ ﮐﻮ ﺳﻨﻨﮯ ﮐﯽ
ﮐﻠﯽ ﮐﻮ ﭼﮭﻮﮌ ﮐﮯ ﻧﻘﺶِ ﻗﺪﻡ ﭘﮧ ﺑﯿﭩﮫ ﮔﺌﯽ
ﻗﻠﻢ ﮨﻼﺋﮯ ﺑﻨﺎ ﺗﺘﻠﯽ ﻧﮯ ﻏﺰﻝ ﮐﮩﮧ ﺩﯼ
ﺻﻨﻢ ﺍﻭﺭ ﺍﯾﺴﺎ ﮐﮧ ﺑﺖ ﺍُﺱ ﮐﮯ ﺁﮔﮯ ﺟﮭﮏ ﺟﺎﺋﯿﮟ
ﺩُﻋﺎ ﺩﯼ ﺍُﺱ ﻧﮯ ﺗﻮ ﺩﻭ ﺩﯾﻮﯾﻮﮞ ﮐﯽ ﮔﻮﺩ ﺑﮭﺮﯼ
ﻋﻄﺎﺋﮯ ﺣُﺴﻦ ﺗﮭﯽ ، ﻗﯿﺲ ﺍِﮎ ﺟﮭﻠﮏ ﻣﯿﮟ ﺷﻮﺥ ﻏﺰﻝ
ﮐﺘﺎﺏ ﻟﮑﮭﺘﺎ ﻣﯿﮟ ﺍُﺱ ﭘﺮ ﻣﮕﺮ ﻭُﮦ ﭘﮭﺮ ﻧﮧ ﻣﻠﯽ