اصل انسان اور نقابی چہرہ
ﺁﭖ ﻧﮯ ﯾﻘﯿﻨﺎً ﺩﯾﮑﮭﺎ ﮨﻮﮔﺎ ﮐﮧ ﺑﯿﻨﮏ ﻣﯿﮟ ﮐﺎﻡ ﮐﺮﻧﮯ ﻭﺍﻟﮯ ﻟﻮﮒ ﺳﺮﺩﯾﻮﮞ ﮔﺮﻣﯿﻮﮞ ﻣﯿﮟ ﭨﺎﺋﯿﺎﮞ ﭘﮩﻨﮯ ﺭﮨﺘﮯ ﮨﯿﮟ۔ ﯾﮧ ﺍِﻥ ﮐﺎ ﮈﺭﯾﺲ ﮐﻮﮈ ﮨﻮﺗﺎﮨﮯ۔ ﯾﮧ ﺧﻮﺑﺼﻮﺭﺕ ﺑﮭﯽ ﻟﮕﺘﮯ ﮨﯿﮟ‘ﻧﮑﮭﺮﮮ ﻧﮑﮭﺮﮮ ﭼﮩﺮﮮ‘ﺻﺎﻑ ﺳﺘﮭﺮﮮ ﮐﭙﮍﮮ۔ ﻟﯿﮑﻦ ﮐﺒﮭﯽ ﺍِﻧﮩﯿﮟ ﭘﺎﻧﭻ ﺑﺠﮯ ﮐﮯ ﺑﻌﺪ ﻣﻼﺣﻈﮧ ﮐﯿﺠﺌﮯ ﺟﺐ ﺑﯿﻨﮏ ﮐﮯ ﺩﺭﻭﺍﺯﮮ ﺟﻨﺮﻝ ﭘﺒﻠﮏ ﮐﮯ ﻟﯿﮯ ﺑﻨﺪ ﮨﻮﺟﺎﺗﮯ ﮨﯿﮟ ﺍﻭﺭﺷﭩﺮ ﻧﯿﭽﮯ ﮔﺮﺍ ﺩﯾﮯ ﺟﺎﺗﮯ ﮨﯿﮟ۔ ﺍُﺱ ﻭﻗﺖ ﺑﯿﻨﮏ ﺑﻨﺪ ﮨﻮﺟﺎﺗﺎﮨﮯ ﺍﻭﺭﺍﮐﺜﺮ ﺑﯿﻨﮏ ﻭﺍﻟﮯ ’’ﮐﮭﻞ‘‘ﺟﺎﺗﮯ ﮨﯿﮟ۔ ﭨﺎﺋﯿﻮﮞ ﻭﺍﻟﻮﮞ ﮐﯽ ﺍﮐﺜﺮﯾﺖ ﺍﯾﮏ ﺩﻡ ﺳﮯ ﭨﺎﺋﯿﺎﮞ ﺍُﺗﺎﺭ ﭘﮭﯿﻨﮑﺘﯽ ﮨﮯ‘ ﺷﺮﭦ ﮐﺎ ﺍﻭﭘﺮ ﻭﺍﻻ ﺑﭩﻦ ﮐﮭﻞ ﺟﺎﺗﺎ ﮨﮯ ﺍﻭﺭ ﺳﺎﺭﮮ ﺍﯾﮏ ﺩﻡ ﺳﮯ ﻋﺎﻡ ﺍﻧﺴﺎﻧﻮﮞ ﻭﺍﻟﮯ ﺣﻠیے ﻣﯿﮟ ﺁﺟﺎﺗﮯ ﮨﯿﮟ۔
ﯾﮧ ﮨﮯ ﺍﺻﻞ ﺍﻧﺴﺎﻥ….!
ﮨﻢ ﺳﺐ ﺳﺎﺭﺍ ﺩﻥ ﺍﭘﻨﮯ ﻟﺒﺎﺱ ﺳﮯ ﻟﮯ ﮐﺮ ﭼﮩﺮﮮ ﺗﮏ ﺍﯾﮏ ﻧﻘﺎﺏ ﺍﻭﮌﮬﮯ ﺭﮐﮭﺘﮯ ﮨﯿﮟ ﻟﯿﮑﻦ ﺟﺐ ﯾﮧ ﻧﻘﺎﺏ ﺍﺗﺮﺗﺎ ﮨﮯ ﺗﻮ ﺑﮩﺖ ﻣﺰﺍ ﺁﺗﺎﮨﮯ۔ ﮨﻤﺎﺭﮮ ﺍﯾﮏ ﺩﻭﺳﺖ ﻣﺎﺷﺎﺀ ﺍﻟﻠﮧ ﺍﻧﺘﮩﺎﺋﯽ ﮈﯾﺴﻨﭧ ﺍﻭﺭﺻﺎﻑ ﺳﺘﮭﺮﯼ ﻃﺒﯿﻌﺖ ﮐﮯ ﻣﺎﻟﮏ ﮨﯿﮟ، ﺍﻭﻧﭽﯽ ﺁﻭﺍﺯ ﻣﯿﮟ ﺑﻮﻟﻨﺎ ﺑﮭﯽ ﺗﮩﺬﯾﺐ ﮐﮯ ﺧﻼﻑ ﺳﻤﺠﮭﺘﮯ ﮨﯿﮟ‘ ﻟﯿﮑﻦ ﮔﮭﺮﻣﯿﮟ ﮨﻮﮞ ﺗﻮ ﺻﺒﺢ ﮐﮯ ﻭﻗﺖ ﺟﺐ ﻣﺎﺅﺗھ ﻭﺍﺵ ﺍﺳﺘﻌﻤﺎﻝ ﮐﺮﺗﮯ ﮨﯿﮟ ﺗﻮﺍُﻥ ﮐﮯ ﺍﺫﯾﺖ ﻧﺎﮎ ﻏﺮﺍﺭﻭﮞ ﮐﯽ ﺁﻭﺍﺯ ﺁﺱ ﭘﺎﺱ ﮐﮯ ﺳﺎﺕ ﮔﮭﺮﻭﮞ ﺗﮏ ﺟﺎﺗﯽ ﮨﮯ ﺍﻭﺭﮐﺌﯽ ﻟﻮﮔﻮﮞ ﮐﺎ ﻧﺎﺷﺘﮧ ﺍﺩﮬﻮﺭﺍ ﺭﮦ ﺟﺎﺗﺎﮨﮯ۔ ﯾﮧ ﺟﻮ ﺁﭖ ﮐﻮ ﮐﺌﯽ ﻟﻮﮒ ﮐﻮﭦ ﭘﯿﻨﭧ ﭨﺎﺋﯽ ﻟﮕﺎﺋﮯ ﺑﮍﮮ ﺍﻧﮕﺮﯾﺰ ﺑﻦ ﮐﺮ‘ﭼﻤﭻ ﺍﻭﺭ ﮐﺎﻧﭩﮯ ﺳﮯ ﮐﮭﺎﻧﺎ ﮐﮭﺎﺗﮯ ﻧﻈﺮ ﺁﺗﮯ ﮨﯿﮟ‘ ﯾﮧ ﮔﮭﺮ ﺟﺎﺗﮯ ﮨﯽ ﺩﮬﻮﺗﯽ ﺑﻠﮑﮧ ﻟُﻨﮕﯽ ﭘﮩﻨﺘﮯ ﮨﯿﮟ ﺍﻭﺭ ﺁﻟﺘﯽ ﭘﺎﻟﺘﯽ ﻣﺎﺭ ﮐﺮ ﺑﯿﮕﻢ ﮐﮯ ﺳﺎﻣﻨﮯ ﺯﻣﯿﻦ ﭘﺮ ﺑﯿﭩﮫ ﺟﺎﺗﮯ ﮨﯿﮟ ﮐﮧ’’ﺷﮑﯿﻠﮧ! ﺫﺭﺍ ﺗﯿﻞ ﭼﺲ ﺩﮮ‘‘۔۔۔ ﮨﻢ ﺳﺐ ﮐﺎ ﺍﻧﺪﺭ ﺑﮭﯽ ﺍﯾﮏ ﮨﮯ ﺍﻭﺭ ﺑﺎﮨﺮ ﺑﮭﯽ ﺍﯾﮏ۔ ﺯﻧﺪﮔﯽ ﮐﮯ ﯾﮧ ﺩﻭﺭﻭﭖ ﮨﺮ ﺍﻧﺴﺎﻥ ﺑﮍﯼ ﮐﺎﻣﯿﺎﺑﯽ ﺳﮯ ﻧﺒﮭﺎﺗﺎﮨﮯ‘ ﻟﯿﮑﻦ ﺍﺻﻞ ﺭﻭﭖ ﻭﮨﯽ ﮨﮯ ﺟﺴﮯ ﮨﻢ ﺳﺐ ﺳﮯ ﭼﮭﭙﺎﺗﮯ ﮨﯿﮟ۔ ﮈﭦ ﮐﮯ ﮐﮭﺎﻧﺎ ﮨﻢ ﺳﺐ ﮐﻮ ﭘﺴﻨﺪ ﮨﮯ ﻟﯿﮑﻦ ﮈﺍﺋﭩﻨﮓ ﻓﯿﺸﻦ ﮐﺎ ﺣﺼﮧ ﮨﮯ، ﺍﺳﯽ ﻟﯿﮯ ﮐﭽھ ﻟﻮﮒ ﺑﮯ ﺷﮏ ﮈﯾﮍﮪ ﮐﻠﻮ ﮐﮍﺍﮨﯽ ﮐﮯ ﺳﺎﺗھ ﭼھ ﻧﺎﻥ ﮐﮭﺎ ﺟﺎﺋﯿﮟ‘ﮐﻮﻟﮉ ﮈﺭﻧﮏ ﻣﻨﮕﻮﺍﺗﮯ ﻭﻗﺖ ﺑﯿﺮﮮ ﮐﻮ ﺗﺎﮐﯿﺪ ﮐﺮﺗﮯ ﮨﯿﮟ ﮐﮧ ’’ﮈﺍﺋﭧ ﯾﺎ ﺯﯾﺮﻭ‘‘ﻻﻧﺎ۔ ﮨﻤﺎﺭﯼ ﺍﮐﺜﺮﯾﺖ ﻣﯿﭩﮭﺎ ﺑﮭﯽ ﭘﺴﻨﺪ ﮐﺮﺗﯽ ﮨﮯ ﻟﯿﮑﻦ ﻓﯿﺸﻦ ﮐﮯ ﻟﺤﺎﻅ ﺳﮯ ﻣﯿﭩﮭﺎ ﺳﻮﭦ ﻧﮩﯿﮟ ﮐﺮﺗﺎ ﺍﺱ ﻟﯿﮯ ﺟﻮ ﻟﻮﮒ ﭼﺎﺋﮯ ﮐﮯ ﺳﺎﺗھ ﺟﻠﯿﺒﯿﺎﮞ ﺑﮭﯽ ﮐﮭﺎ ﺭﮨﮯ ﮨﻮﮞ ﻭﮦ ﺑﮭﯽ ﺍﺣﺘﯿﺎﻃﺎً ﮐﮩﮧ ﺩﯾﺘﮯ ﮨﯿﮟ ’’ﭘﻠﯿﺰ ﭼﯿﻨﯽ ﻧﮧ ﮈﺍﻟﺌﮯ ﮔﺎ‘ ﻣﯿﮟ ﭘﮭﯿﮑﯽ ﭼﺎﺋﮯ ﭘﯿﺘﺎ ﮨﻮﮞ‘‘۔
ﺑﺎﮨﺮ ﮐﮯ ﺍﻧﺴﺎﻥ ﮐﻮ ﻧﺒﮭﺎﻧﮯ ﮐﮯ ﻟﯿﮯ ﺑﮭﯽ ﮐﯿﺎ ﮐﯿﺎ ﺟﺘﻦ ﮐﺮﻧﺎ ﭘﮍﺗﮯ ﮨﯿﮟ‘ﻣﯿﺮﮮ ﺍﯾﮏ ﺩﻭﺳﺖ ﮐﻮ ﮐﺎﻓﯽ ﺯﮨﺮ ﻟﮕﺘﯽ ﮨﮯ ﻟﯿﮑﻦ ﻣﻮﺻﻮﻑ ﻇﺎﮨﺮ ﯾﮧ ﮐﺮﺍﺗﮯ ﮨﯿﮟ ﮐﮧ ﺍﻧﮩﯿﮟ ﺑﭽﭙﻦ ﻣﯿﮟ ﮔﮭﭩﯽ ﺑﮭﯽ ﮐﺎﻓﯽ ﮐﯽ ﺩﯼ ﮔﺌﯽ ﺗﮭﯽ۔ ﺍﯾﮏ ﺩﻓﻌﮧ ﺍﯾﮏ ﮨﻮﭨﻞ ﻣﯿﮟ ﻣﺪﻋﻮ ﺗﮭﮯ ﺟﮩﺎﮞ ﺍﻥ ﮐﯽ ﮐﺎﻓﯽ ﺳﺎﺭﯼ ﺧﻮﺍﺗﯿﻦ ﮐﻮﻟﯿﮕﺰ ﺑﮭﯽ ﻣﻮﺟﻮﺩ ﺗﮭﯿﮟ۔ ﺍﻟﻠﮧ ﺩﮮ ﺍﻭﺭ ﺑﻨﺪﮮ ﻟﮯ۔ ﻭﯾﭩﺮ ﻧﮯ ﺳﺐ ﮐﺎ ﺁﺭﮈﺭ ﻟﯿﺎ ﺗﻮ ﻓﺮﻣﺎﯾﺎ’’ﺑﮭﺌﯽ ﻣﯿﺮﮮ ﻟﯿﮯ ﺗﻮ ﺑﻠﯿﮏ ﮐﺎﻓﯽ ﻟﮯ ﺁﺅ‘‘۔ ﻣﯿﮟ ﻧﮯ ﺍُﻧﮩﯿﮟ ﮐﮩﻨﯽ ﻣﺎﺭﯼ ﮐﮧ’’ﺣﻀﻮﺭ!ﭘﮩﻠﮯ ﮐﺒﮭﯽ ﺑﻠﯿﮏ ﮐﺎﻓﯽ ﭘﯽ ﮨﮯ؟‘‘ﻗﮩﻘﮩﮧ ﻟﮕﺎ ﮐﺮ ﺑﻮﻟﮯ’’ﺑﻠﯿﮏ ﮐﺎﻓﯽ ﺗﻮ ﻣﯿﺮﯼ ﺟﺎﻥ ﮨﮯ‘‘۔ ﺩﺱ ﻣﻨﭧ ﺑﻌﺪ ﺍُﻥ ﮐﯽ ﺟﺎﻥ ﮐﭗ ﻣﯿﮟ ﺳﺎﻣﻨﮯ ﺁﮔﺌﯽ۔ ﺍﻧﮩﻮﮞ ﻧﮯ ﻓﺨﺮﯾﮧ ﺍﻧﺪﺍﺯ ﺳﮯ ﺧﻮﺍﺗﯿﻦ ﮐﯽ ﻃﺮﻑ ﺩﯾﮑﮭﺎ‘ﮐﭗ ﺍﭨﮭﺎﯾﺎ ﺍﻭﺭ ﺍﯾﮏ ﺳﭗ ﻟﯿﺎ۔۔۔ ﺍﯾﮏ ﺩﻡ ﺳﮯ ﺍُ ﻥ ﮐﮯ ﭼﮩﺮﮮ ﮐﯽ ﺭﻧﮕﺖ ﺗﺒﺪﯾﻞ ﮨﻮﮔﺌﯽ۔۔۔ ﺟﺴﻢ ﺍﮐﮍ ﮔﯿﺎ۔۔۔ ﺑﺎﻝ ﮐﮭﮍﮮ ﮨﻮﮔﺌﮯ ۔۔۔ﺍﻭﺭ ﮈﯾﻠﮯ ﺑﺎﮨﺮ ﺁﮔﺌﮯ۔۔۔!
ﺑﺎﮨﺮ ﮐﮯ ﺍﻧﺴﺎﻥ ﮐﻮ ﺑﻨﺎﻭﭨﯽ ﮔﻔﺘﮕﻮ ﮐﯽ ﺑﮭﯽ ﺑﯿﻤﺎﺭﯼ ﮨﻮﺗﯽ ﮨﮯ۔ ﺍﺱ ﮐﮯ ﺳﺎﻣﻨﮯ ﭘﯿﺰﺍ ﺍﻭﺭ ﺩﺍﻝ ﭼﺎﻭﻝ ﺭﮐھ ﺩﯾﮯ ﺟﺎﺋﯿﮟ ﺗﻮ ﯾﮧ ﮐﮭﺎﺗﺎ ﺗﻮ ﭘﯿﺰﺍ ﮨﮯ ﻟﯿﮑﻦ ﺍﻧﺪﺭ ﮐﮯ ﺳﺎﺭﮮ ﻭﻭﭦ ﺩﺍﻝ ﭼﺎﻭﻝ ﮐﯽ ﻃﺮﻑ ﺟﺎﺭﮨﮯ ﮨﻮﺗﮯ ﮨﯿﮟ۔ ﯾﮧ ﺑﺎﮨﺮ ﭼﻠﯽ ﺳﺎﺱ ﮐﮭﺎﺗﺎ ﮨﮯ ﻟﯿﮑﻦ ﮔﮭﺮ ﻣﯿﮟ ﻓﺮﻣﺎﺋﺶ ﮨﻮﺗﯽ ﮨﮯ ﮐﮧ ﮨﺮ ﮐﮭﺎﻧﮯ ﮐﮯ ﺳﺎﺗھ ﮐﭽﯽ ﮨﺮﯼ ﻣﺮﭺ ﺿﺮﻭﺭ ﺭﮐﮭﯽ ﺟﺎﺋﮯ۔ ﯾﮧ ﺳﭩﻮﺭ ﺳﮯ ﮐﺎﭨﻦ ﺑﮉ ﺧﺮﯾﺪﺗﺎ ﺿﺮﻭﺭ ﮨﮯ ﻟﯿﮑﻦ ﮐﺎﻥ ﺧﻮﺍﺗﯿﻦ ﮐﮯ ﺑﺎﻟﻮﮞ ﻭﺍﻟﯽ ﭘِﻦ‘ﻣﺎﭼﺲ ﮐﯽ ﺗﯿﻠﯽ ﯾﺎﮔﺎﮌﯼ ﮐﯽ ﭼﺎﺑﯽ ﺳﮯ ﮨﯽ ﺻﺎﻑ ﮐﺮﺗﺎﮨﮯ۔ ﺍﺱ ﮐﮯ ﺑﺎﺗﮫ ﺭﻭﻡ ﻣﯿﮟ ﭨﻮﺗھ ﭘﯿﺴﭧ ﺿﺮﻭﺭ ﻣﻮﺟﻮﺩ ﮨﻮﺗﺎﮨﮯ ﻟﯿﮑﻦ ﮐﮩﯿﮟ ﭘﯿﭽﮭﮯ ﮐﺮﮐﮯ ﻣﻨﺠﻦ ﺑﮭﯽ ﺭﮐﮭﺎ ﮨﻮﺗﺎﮨﮯ۔ ﯾﮧ ﮨﺎﺿﻤﮯ ﮐﮯ ﻟﯿﮯ ﮨﺮ ﮐﮭﺎﻧﮯ ﮐﮯ ﺑﻌﺪ ﻭﺍﮎ ﺿﺮﻭﺭ ﮐﺮﺗﺎﮨﮯ ﻟﯿﮑﻦ ﺳﻮﻧﮯ ﺳﮯ ﭘﮩﻠﮯ’’ﭘﮭﮑﯽ‘‘ ﮐﮭﺎﻧﺎ ﻧﮩﯿﮟ ﺑﮭﻮﻟﺘﺎ۔ ﺩُﻧﯿﺎ ﻭﺍﻟﻮﮞ ﮐﮯ ﺳﺎﻣﻨﮯ ﺍِﺳﮯ ﺷﯿﻤﭙﻮ ﭘﺴﻨﺪ ﮨﻮﺗﺎﮨﮯ ﻟﯿﮑﻦ ﮔﮭﺮ ﻣﯿﮟ ﮨﻮ ﺗﻮ ﻣﺸﻮﺭﮮ ﺩﮮ ﺭﮨﺎ ﮨﻮﺗﺎﮨﮯ’’ﺷﮑﯿﻠﮧ!ﺑﯿﺴﻦ ﺳﮯ ﺑﺎﻝ ﮐﺘﻨﮯ ﺍﭼﮭﮯ ﺩُﮬﻠﺘﮯ ﮨﯿﮟ‘‘۔ﺟﻮﺍﺏ ﻣﯿﮟ ﻓﯿﺸﻦ ﺍﯾﺒﻞ ﺷﮑﯿﻠﮧ ﺑﮭﯽ ﺑﮍﮮ ﺍﻋﺘﻤﺎ ﺩ ﺳﮯ ﺑﺘﺎ ﺭﮨﯽ ﮨﻮﺗﯽ ﮨﮯ’’ﺍﯾﮏ ﺩﻓﻌﮧ ﻟﺴﯽ ﺳﮯ ﺑﮭﯽ ﺩﮬﻮ ﮐﺮ ﺩﯾﮑﮭﻮ‘‘۔
ﯾﮧ ﺍﻧﺪﺭ ﮐﺎ ﮐﮭﺮﺍ ﺍﻧﺴﺎﻥ ﺑﮍﺍ ﺳﺎﺩﮦ ﮨﻮﺗﺎﮨﮯ‘ﯾﮧ ﺑﺎﮨﺮ ﻭﺍﻟﮯ ﺍﻧﺴﺎﻥ ﺳﮯ ﺑﺎﻟﮑﻞ ﺍُﻟﭧ ﮨﻮﺗﺎﮨﮯ۔ ﯾﮧ ﻻﮐھ ﻓﯿﺸﻦ ﺍﯾﺒﻞ ﮨﻮﺟﺎﺋﮯ ﭘﮭﺮ ﺑﮭﯽ ﺍﺳﮯ ﺑﺎﺗھ ﭨﺐ ﺳﮯ ﺯﯾﺎﺩﮦ ﺑﺎﻟﭩﯽ ﺳﮯ ﻧﮩﺎﻧﮯ ﻣﯿﮟ ﻣﺰﺍ ﺁﺗﺎﮨﮯ۔ ﯾﮧ ﺩُﻧﯿﺎ ﺩﺍﺭﯼ ﻧﺒﮭﺎﻧﮯ ﮐﮯ ﻟﯿﮯ ﭘﯿﻨﭧ ﺗﻮ ﭘﮩﻨﺘﺎ ﮨﮯ ﻟﯿﮑﻦ ﺟﺲ ﺩﻥ ﺷﻠﻮﺍﺭ ﻗﻤﯿﺺ ﭘﮩﻦ ﻟﮯ ﺍُﺱ ﺩﻥ ﻋﺠﯿﺐ ﺳﯽ ﺷﺨﺼﯽ ﺁﺯﺍﺩﯼ ﮐﮯ ﺍﺣﺴﺎﺱ ﺳﮯ ﺳﺮﺷﺎﺭ ﺭﮨﺘﺎﮨﮯ۔ ﺑﻈﺎﮨﺮ ﺍﺳﮯ ﺩﯾﮑﮫ ﮐﺮ ﻟﮕﺘﺎ ﮨﮯ ﮐﮧ ﯾﮧ ﺳﻮﻧﮯ ﺳﮯ ﭘﮩﻠﮯ ﺑﮭﯽ ﺷﯿﻮ ﮐﺮﺗﺎﮨﻮﮔﺎ‘ ﺑﺎﻝ ﺳﻨﻮﺍﺭﺗﺎ ﮨﻮﮔﺎ۔ ﻟﯿﮑﻦ ﺟﺲ ﺩﻥ ﺍﺳﮯ ﭼﮭﭩﯽ ﮨﻮﺗﯽ ﮨﮯ ﯾﮧ ﺍﻟﺠﮭﮯ ﺑﺎﻟﻮﮞ ﮐﮯ ﺳﺎﺗھ ﮔﺎﻝ ﮐﮭﺠﺎﺗﺎ ﺭﯾﻠﯿﮑﺲFeelﮐﺮ ﺭﮨﺎ ﮨﻮﺗﺎﮨﮯ۔ ﯾﮧ ﺑﺎﮨﺮ ﮐﺎ ﺍﻧﺴﺎﻥ ﺟﻮ ﮔﮭﺮ ﺳﮯ ﻧﮑﻠﺘﮯ ﻭﻗﺖ ﺍﭘﻨﮯ ﮐﭙﮍﻭﮞ ﭘﺮ ﺍﯾﮏ ﺷﮑﻦ ﺑﺮﺩﺍﺷﺖ ﻧﮩﯿﮟ ﮐﺮﺗﺎ. ﮔﮭﺮ ﻣﯿﮟ ﺭﺍﺕ ﮐﻮ ﺳﻮﺗﮯ ﻭﻗﺖ ﺑﯿﻮﯼ ﺳﮯ ﻟﮍ ﺭﮨﺎ ﮨﻮﺗﺎ ﮨﮯ ﮐﮧ ’’ﻣﯿﺮﯼ ﭘﮭﭩﯽ ﭘﺮﺍﻧﯽ ﺷﺮﭦ ﮐﯿﻮﮞ ﺩﮬﻠﻮﺍﺋﯽ ﮨﮯ‘ﺍُﺳﯽ ﻣﯿﮟ ﻣﺠﮭﮯ ﺍﭼﮭﯽ ﻧﯿﻨﺪ ﺁﺗﯽ ﮨﮯ‘‘۔
ﻓﯿﺸﻦ ﮨﻤﺎﺭﯼ ﻧﯿﺖ ﮐﻮ ﻧﮩﯿﮟ ﺑﮭﺮ ﺳﮑﺘﺎ‘ ﮨﻢ ﮐﺴﯽ ﭼﺎﺋﯿﻨﺰ ﺭﯾﺴﭩﻮﺭﻧﭧ ﻣﯿﮟ ’’ﭘﺮﺍﻥ‘‘ﮐﮭﺎ ﺗﻮ ﺳﮑﺘﮯ ﮨﯿﮟ‘ﭘﺴﻨﺪ ﻧﮩﯿﮟ ﮐﺮ ﺳﮑﺘﮯ۔ﺑﻠﯿﮏ ﻓﺎﺭﺳﭧ ﮐﯿﮏ ﮨﻤﺎﺭﮮ ﺑﺎﮨﺮ ﮐﮯ ﺍﻧﺴﺎﻥ ﮐﻮ ﭘﺴﻨﺪ ﺁﺳﮑﺘﺎ ﮨﮯ ﻟﯿﮑﻦ ﺍﻧﺪﺭ ﮐﺎ ﺍﻧﺴﺎﻥ ﺧﻄﺎﺋﯽ ﺍﻭﺭ ﮐﺮﯾﻢ ﻭﺍﻟﮯ ﺑﺴﮑﭧ ﻣﺎﻧﮕﺘﺎﮨﮯ۔ ﮨﻢ ﺑﮍﯼ ﮐﻮﺷﺶ ﮐﺮﺗﮯ ﮨﯿﮟ ﮐﮧ ﺍﻧﺪﺭﮐﺎ ﺍﻧﺴﺎﻥ’’ﺳﻼﺋﮉﺯ‘‘ﮐﮩﻨﺎ ﺳﯿﮑھ ﺟﺎﺋﮯ ﻟﯿﮑﻦ ﺍﻧﺪﺭ ﻭﺍﻻ ’’ﮔﮭﯿﺴﯿﺎﮞ‘ ﮐﮩﻨﮯ ﭘﺮ ﮨﯽ ﺧﻮﺵ ﮨﻮﺗﺎﮨﮯ۔ ﮨﻢ ﺩُﻧﯿﺎ ﮐﮯ ﺳﺎﻣﻨﮯ ﮨﻮﮞ ﺗﻮ ﺫﺭﺍ ﺳﯽ ﭼﻮﭦ ﻟﮕﻨﮯ ﭘﺮ’’ﺁﺅﭺ‘‘ ﮐﮩﺘﮯ ﮨﯿﮟ ﻟﯿﮑﻦ ﺍﮐﯿﻠﮯ ﮨﻮﮞ ﺗﻮ ﺑﮯ ﺳﺎﺧﺘﮧ ﻣﻨﮧ ﺳﮯ ﯾﮩﯽ ﻧﮑﻠﺘﺎ ﮨﮯ’’ﮨﺎﺋﮯ ﻣﯿﮟ ﻣﺮﮔﯿﺎ‘‘۔ ﺑﺎﮨﺮ ﮐﺎ ﺍﻧﺴﺎﻥ ﮐﮩﺘﺎ ﮨﮯ ﮐﻮﺋﯽ ﺍﭼﮭﯽ ﭼﯿﺰ ﺩﯾﮑھ ﮐﺮ’’ﻭﺍﺅ‘‘ﮐﮩﻮ۔۔۔ﺍﻧﺪﺭ ﮐﺎ ﺍﻧﺴﺎﻥ ﮐﮩﺘﺎ ﮨﮯ’’ﺍﯾﺘﮭﮯ ﺭﮐﮫ‘‘ﺯﯾﺎﺩﮦ ﺑﮩﺘﺮ ﮨﮯ۔
ﺑﯿﮍﮮ ﻏﺮﻕ ﮨﻮﮔﺌﮯ ﮨﯿﮟ ﺍﺱ ﺑﺎﮨﺮ ﮐﮯ ﺍﻧﺴﺎﻥ ﮐﯽ ﻓﺮﻣﺎﺋﺸﯿﮟ ﭘﻮﺭﯼ ﮐﺮﺗﮯ ﮐﺮﺗﮯ۔ﮨﺮ ﻭﻗﺖ ﯾﮩﯽ ﺧﻮﻑ ﻻﺣﻖ ﺭﮨﺘﺎ ﮨﮯ ﮐﮧ ﮐﮩﯿﮟ ﻟﻮﮒ ﻣﺬﺍﻕ ﻧﮧ ﺑﻨﺎ ﻟﯿﮟ۔ ﺣﺎﻻﻧﮑﮧ ﺳﺐ ﺍﯾﮏ ﺟﯿﺴﮯ ﮨﯿﮟ‘ﺳﺐ ﻭﮨﯽ ﭼﺎﮨﺘﮯ ﮨﯿﮟ ﺟﻮ ﮨﻢ ﭼﺎﮨﺘﮯ ﮨﯿﮟ۔ ﺟﻦ ﻟﻮﮔﻮﮞ ﻧﮯ ﺍﺱ ﺭﻣﺰ ﮐﻮ ﭘﺎ ﻟﯿﺎ ﮨﮯ ﺍﻧﮩﻮﮞ ﻧﮯ ﺑﮍﮮ ﻃﺮﯾﻘﮯ ﺳﮯ ﻓﯿﺸﻦ ﮐﮯ ﺍﻧﺪﺭ ﮨﯽ ﺭﻭﺍﯾﺖ ﮐﮯ ﻟﯿﮯ ﺑﮭﯽ ﺟﮕﮧ ﺑﻨﺎ ﻟﯽ ﮨﮯ.
ﯾﺎﺩ ﮐﯿﺠﺌﮯ ﭼﺎﺋﮯ ﻣﯿﮟ ﺑﺴﮑﭧ ﮈﺑﻮ ﮐﺮ ﮐﮭﺎﻧﺎ ﺟﺎﮨﻠﯿﺖ ﮐﯽ ﻋﻼﻣﺖ ﺳﻤﺠﮭﺎ ﺟﺎﺗﺎ ﺗﮭﺎ‘ ﺁﺝ ﮐﻞ ﭨﯽ ﻭﯼ ﮐﮯ ﺍﺷﺘﮩﺎﺭﻭﮞ ﻣﯿﮟ ﺧﻮﺷﻨﻤﺎ ﻟﻮﮒ ﻧﮧ ﺻﺮﻑ ﭼﺎﺋﮯ ﻣﯿﮟ ﺑﺴﮑﭧ ﮈﺑﻮ ﮐﺮ ﮐﮭﺎﺗﮯ ﻧﻈﺮ ﺁﺗﮯ ﮨﯿﮟ ﺑﻠﮑﮧ ﺑﭽﻮﮞ ﮐﻮ ﺑﮭﯽ ﺳﮑﮭﺎ ﺭﮨﮯ ﮨﻮﺗﮯ ﮨﯿﮟ ﮐﮧ ﯾﻮﮞ ﮐﺮﮐﮯ ﺑﺴﮑﭧ ﮈﺑﻮﻧﺎ ﮨﮯ ﺍﻭﺭ ﭘﮭﺮ ﯾﻮﮞ ﮐﺮﮐﮯ ﻣﻨﮧ ﻣﯿﮟ ﮈﺍﻟﻨﺎ ﮨﮯ۔’’ﻟﭽﮭﮯ‘‘ ﺍﺏ ﮐﺎﭨﻦ ﮐﯿﻨﮉﯼ ﮐﮯ ﻧﺎﻡ ﺳﮯ ﺩﺳﺘﯿﺎﺏ ﮨﯿﮟ ﺍﻭﺭﺳﺎﺭﯼ ﺩﯾﺴﯽ ﭼﯿﺰﻭﮞ ﮐﻮ ’’ﺁﺭﮔﯿﻨﮏ ﻓﻮﮈ‘‘ﮐﺎ ﻧﺎﻡ ﺩﮮ ﮐﺮ ﺍﭘﻨﺎ ﻟﯿﺎ ﮔﯿﺎ ﮨﮯ۔ ﮨﺎﺋﮯ ﻟﯿﮑﻦ ﻣﯿﺮﮮ ﺟﯿﺴﮯ ﺗﺎﺭﯾﮏ ﺭﺍﮨﻮﮞ ﻣﯿﮟ ﻣﺎﺭﮮ ﮔﺌﮯ ﮨﯿﮟ۔ ﮨﻢ ﭘﮭﻮﻧﮏ ﭘﮭﻮﻧﮏ ﮐﺮ ﺍﯾﻠﯿﭧ ﮐﻼﺱ ﻣﯿﮟ ﻗﺪﻡ ﺭﮐﮭﺘﮯ ﮨﯿﮟ ﺍﻭﺭﭘﻮﺭﯼ ﮐﻮﺷﺶ ﮐﺮﺗﮯ ﮨﯿﮟ ﮐﮧ ﮐﻮﺋﯽ ﭘﮩﭽﺎﻥ ﻧﮧ ﻟﮯ ﮐﮧ ﮨﻢ ﻧﮯ ﭘﯿﻨﭧ ﮐﯽ ﻓﭩﻨﮓ ﭨﮭﯿﮏ ﮐﺮﻭﺍﺋﯽ ﮨﮯ۔
ﮨﻤﺎﺭﮮ ﺑﺎﮨﺮ ﮐﺎ ﺍﻧﺴﺎﻥ ﺍﺗﻨﺎ ﺧﻮﻓﺰﺩﮦ ﮨﮯ ﮐﮧ ﮨﻤﯿﮟ ﻟﮕﺘﺎﮨﮯ ﺟﺲ ﺩﻥ ﺍﺱ ﮐﯽ ﻣﺮﺿﯽ ﮐﮯ ﺧﻼﻑ ﮐﻮﺋﯽ ﺑﺎﺕ ﮨﻮﺋﯽ‘ﺩﻧﯿﺎ ﮨﻢ ﭘﺮ ﮨﻨﺴﮯ ﮔﯽ۔۔۔ﺍﺏ ﺗﻮ ﺁﺋﯿﻨﮧ ﺑﮭﯽ ﮨﻤﯿﮟ ﮨﻤﺎﺭﺍ ﺍﺻﻞ ﻧﮩﯿﮟ ﺩﮐﮭﺎﺗﺎ۔۔۔!
