نیٹ ایجاد ہوا ہجر کے ماروں کے لیے ۔۔ نظم
نیٹ ایجاد ہوا ہجر کے ماروں کے لیے
سرچ انجن ہے بڑی چیز کنواروں کے لیے
ﺟﺲ ﮐﻮ ﺻﺪﻣﮧ ﺷﺐ ﺗﻨﮩﺎﺋﯽ ﮐﮯ ﺍﯾﺎﻡ ﮐﺎ ﮨﮯ
ﺍﯾﺴﮯ ﻋﺎﺷﻖ ﮐﮯ ﻟﯿﮯ ﻧﯿﭧ ﺑﮩﺖ ﮐﺎﻡ ﮐﺎ ﮨﮯ
ﻧﯿﭧ ﻓﺮﮨﺎﺩ ﮐﻮ ﺷﯿﺮﯾﮟ ﺳﮯ ﻣﻼ ﺩﯾﺘﺎ ﮨﮯ
ﻋﺸﻖ ﺍﻧﺴﺎﻥ ﮐﻮ ﮔﻮﮔﻞ ﭘﮧ ﺑﭩﮭﺎ ﺩﯾﺘﺎﮨﮯ
ﮐﺎﻡ ﻣﮑﺘﻮﺏ ﮐﺎ ﻣﺎﺅﺱ ﺳﮯ ﻟﯿﺎ ﺟﺎﺗﺎ ﮨﮯ
ﺁﮦ ﺳﻮﺯﺍﮞ ﮐﻮ ﺑﮭﯽ اپلوﮈ ﮐﯿﺎ ﺟﺎﺗﺎ ﮨﮯ
ﭨﯿﮑﺴﭧ ﻣﯿﮟ ﻟﻮﮒ ﻣﺤﺒﺖ ﮐﯽ ﺧﻄﺎ ﺑﮭﯿﺠﺘﮯ ﮨﯿﮟ
ﮔﮭﺮ ﺑﺘﺎﺗﮯ ﻧﮩﯿﮟ ﺁﻓﺲ ﮐﺎ ﭘﺘا ﺑﮭﯿﺠﺘﮯ ﮨﯿﮟ
ﻋﺎﺷﻘﻮﮞ ﮐﺎ ﯾﮧ ﻧﯿﺎ ﻃﻮﺭ ﻧﯿﺎ ﭨﺎﺋﭗ ﮨﮯ
ﭘﮩﻠﮯ ﭼﻠﻤﻦ ﮨﻮﺍ ﮐﺮﺗﯽ ﺗﮭﯽ ﺍﺏ ﺍﺳﮑﺎﺋﭗ ﮨﮯ
ﻋﺸﻖ ﮐﮩﺘﮯ ہیں ﺟﺴﮯ ﺍﮎ ﻧﯿﺎ ﺳﻤﺠﮭﻮﺗﮧ ﮨﮯ
ﭘﮩﻠﮯ ﺩﻝ ﻣﻠﺘﮯ ﺗﮭﮯ ﺍﺏ ﻧﺎﻡ ﮐﻠﮏ ﮨﻮﺗﺎ ﮨﮯ
ﺩﻝ ﮐﺎ ﭘﯿﻐﺎﻡ ﺟﺐ ﺍﯼ ﻣﯿﻞ ﺳﮯ ﻣﻞ ﺟﺎﺗﺎ ﮨﮯ
ﻣﯿﻞ ﮨﺮ ﭼﻮﮎ ﭘﮧ ﻓﯽ ﻣﯿﻞ ﺳﮯ ﻣﻞ ﺟﺎﺗﺎ ﮨﮯ
ﻋﺸﻖ ﮐﺎ ﻧﺎﻡ ﻓﻘﻂ ﺁﮦ ﻭ ﻓﻐﺎﮞ ﺗﮭﺎ ﭘﮩﻠﮯ
ﮈﺍﮎ ﺧﺎﻧﮯ ﻣﯿﮟ ﯾﮧ ﺁﺭﺍﻡ ﮐﮩﺎﮞ ﺗﮭﺎ ﭘﮩﻠﮯ
ﺁﺋﯽ ﮈﯼ ﺟﺐ ﺳﮯ ﻣﻠﯽ ﮨﮯ ﻣﺠﮭﮯ ﮨﻤﺴﺎﺋﯽ ﮐﯽ
ﺍﭼﮭﯽ ﻟﮕﺘﯽ ﮨﮯ ﻃﻮﺍﻟﺖ ﺷﺐ ﺗﻨﮩﺎﺉ ﮐﯽ
ﻧﯿﭧ ﭘﮧ ﻟﻮﮒ ﺟﻮ ﻧﻮﮮ ﺳﮯ ﭘﻠﺲ ﮨﻮﺗﮯ ﮨﯿﮟ
ﺑﯿﭩﮭﮯ ﺭﮨﺘﮯ ﮨﯿﮟ ﻭﮦ ﭨﺲ ﮨﻮﺗﮯ ﻧﮧ ﻣﺲ ﮨﻮﺗﮯ ﮨﯿﮟ
ﻓﯿﺲ ﺑﮏ ﮐﻮچہء ﺟﺎﻧﺎﮞ ﺳﮯ ﮨﮯ ﻣﻠﺘﯽ ﺟﻠﺘﯽ
ﮨﺮ ﺣﺴﯿﻨﮧ ﯾﮩﺎﮞ ﻣﻞ ﺟﺎﺋﮯ ﮔﯽ ﮨﻠﺘﯽ ﺟﻠﺘﯽ
ﯾﮧ ﻣﻮﺑﺎﺋﻞ ﮐﺴﯽ ﻋﺎﺷﻖ ﻧﮯ ﺑﻨﺎﯾﺎ ﮨﻮﮔﺎ
ﺍﺱ ﮐﻮ ﻣﺤﺒﻮﺏ ﮐﮯ ﺍﺑﺎ ﻧﮯ ﺳﺘﺎﯾﺎ ﮨﻮﮔﺎ
ﭨﯿﮑﺴﭧ ﺟﺐ ﻋﺎﺷﻖ ﺑﺮﻗﯽ ﮐﺎ ﺍﭨﮏ ﺟﺎﺗﺎ ﮨﮯ
ﻃﺎﻟﺐ ﺷﻮﻕ ﺗﻮ ﺳﻮﻟﯽ ﭘﮧ ﻟﭩﮏ ﺟﺎﺗﺎ ﮨﮯ
ﺁﻥ ﻻﺋﻦ ﺗﺮﮮ ﻋﺎﺷﻖ ﮐﺎ ﯾﮩﯽ ﻃﻮﺭ ﺳﮩﯽ
ﺗﻮ ﻧﮩﯿﮟ ﺍﻭﺭ ﺳﮩﯽ ، ﺍﻭﺭ ﻧﮩﯿﮟ ﺍﻭﺭ ﺳﮩﯽ
(خالد عرفان )
